تسجيل الدخول تسجيل

تسجيل الدخول

Loader

دورى ودورك

17 أيلول

دورى ودورك مميز

بواسطة 
(0 أصوات)

كتبت : سهى حسن

كل مجتمع بيخص الولد والبنت ... الراجل والست بأدوار مبيقدروش يخرجوا عنها ..الأدورا دى بتحدد مسئوليات وسلوكيات كل واحد منهم والمميزات اللى بيتمتع بيها .

الأدوار دى متوارثة من خلال التربية والتنشئة واللى دايما الأدوار دى بتعمل تمييز ضد المرأة وتقلل من قدراتها ..ف كتير من مجتمعاتنا صور نمطية للمرأة بيصورها المجتمع على أنها عاطفية ضعيفة مبتقدرش تقوم بأعمال شاقة وانها حمولة عندها أمومة ..وبيوصف الراجل أنه عقلانى شجاع صوته من دماغه مستقل ومش عاطفى .

يا جماعة فيه فرق بين الجنس والنوع ....

الجنس دة إختلافات بيولوجية بيتولد بيها ذكر أو أنثى ..تخلى مثلا الراجل دوره الإخصاب والست دورها بيولوجيا الحمل والولادة والرضاعة ودى ادوار مش ممكن نغيرها .

أنما النوع بقى ...دة إختلافات إجتماعية وثقافية مش بنتولد بيها زى إن الراجل يقدر يقوم بكل الأدوار اللى بتقوم بيها الست تبعا لقدارته ومهاراته ورغبته زى تربية الأطفال مثلا .والست تقوم بكل الأدواراللى بيعملها الراجل طبقا لقدراتها ومهاراتها ورغبتها زى الطيران وأعمال البناء .

ودى بقى الأدوار الإجتماعية اللى نقدر نغيرها ..دة اللى بنسميه الجندر او النوع الإجتماعى ,,

والأدورا الأساسية للنوع هى الأدوار اللى بيقوم بيها الراجل والست فى الأسرة والمجتمع تبعا لثقافة المجتمع ده وقيمه ..والتمييز ضد البنت هو شكل من أشكال التمييز على أساس النوع بيحصل من لحظة ولادتها بنلاقى الفرحة بدرجة كبيرة فى حالة إن العيلة تعرف أن المولود ولد وقل الفرحة لما تكون بنت ودة حتى بنلاقيه ف الأمثال الشعبية :

لما قالوا دة ولد أتشد ضهرى واتسند ولما قالولى دى بنية أتهدت الحيطة عليا .

أو   اللى مالوش ولد عديم الضهر والسند .

أو كلمة ولد تهز بلد ...أو أبو البنات مصطبة الأندال .

بنلاقى أشكال كتير للعنف ضد البنت عشان هى بنت :

فى التعليم : معلات إلتحاق الولاد بالتعليم طبقا للإحصائيات نلاقيها أكبر من معدلات البنات ومعدلات تسرب البنات من التعليم أكبر من الولاد خصوصا فى التعليم الأساسى ودة لأن فيع إعتقاد خاطىء إن البنت مسيرها لبيت جوزها ومش لازم نصرف على تعليمها والولد أولى لأنه هيفتح بيت ومهم تعليمه .

الزواج المبكر : وده شكل تانى من أشكال التمييز ضد البنت وإجبارها على الجواز ف سن بدرى وحرمانها من التعليم ومن أنها تبدى رأيها ف أختيار شريك حياتها .

الرعاية الصحية والتغذية : من وهى صغيرة بنلاقي رعاية أقل من رعاية الولد فى بعض المجتمعات مش كلها برضو من ناحية الرعاية الصحية والتغذية السليمة .

قراءة 637 مرات آخر تعديل الأربعاء, 17 أيلول/سبتمبر 2014 12:17
يجب تسجيل الدخول لتتمكن من كتابة تعليق على الموضوع

أتصل بنا

  • مقر إدارة الانشطة - فيلا 176 الياسمين 2 - التجمع الاول - القاهرة الجديدة
  • 011112527503
  • fgm9ngo@gmail.com

أشترك فى قائمتنا البريدية

بالأشتراك فى قائمتنا البريدية ستكون على أطلاع دائما بأحدث الأخبار

Disclaimer

This portal was created and supported by UNFPA Egypt in Cooperation with the Coalition of NGOs Against FGM/C in Egypt. The website is currently managed by the Coalition and UNFPA is not responsible for all the content published, videos published, or any kind or format of content published on this website or any other online or offline platform that carries the same or similar title or name to this website.
This website doesn’t represent UNFPA in any form or context and UNFPA has no legal or moral liability against any of the content that is presented on this website or any other affiliated online or offline platform.